मराठी साहित्य – कवितेचा उत्सव ☆ ना बोललो तरीही ☆ श्री सुहास रघुनाथ पंडित

श्री सुहास रघुनाथ पंडित

☆ कवितेचा उत्सव : ना बोललो तरीही – श्री सुहास रघुनाथ पंडित ☆

ना बोललो तरीही सांगून काय गेलो

ना बोलावताही जवळी कशास आलो.

अजाणतेपणीही किमया अशीच घडते

फासे असे सुखाचे पडणे उचित होते

ठरवून काय मन हे प्रेमात गुंतते का ?

ओथंबल्या घनाला कुणी थांबवू शके का ?

रिवाज रिती यांची झाली बहुत ख्याती

मार्गावरी जराशी पेरीत जाऊ प्रीती.

सुख सावलीत बांधू अपुले सुरेख घरटे

माझ्या तुझ्या मनीचे डोळ्यात स्वप्न दाटे.

©  श्री सुहास रघुनाथ पंडित

सांगली (महाराष्ट्र)

मो – 9421225491

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈