श्री अनिल वामोरकर
कवितेचा उत्सव
☆ दोष कुणाचा?… ☆ श्री अनिल वामोरकर ☆
☆
केर मनातला
राहून गेला तसाच
मनाला मी म्हणालो
कर काही….
*
मन म्हणाले मला
दुष्ट तर ते डोळे आहेत
भुलवितात, चाळवितात
नेहमीच मला….
*
ते दोघेच नाही
तर हे नाकही कमी नाही
हुंगून मज सैरभैर करते
मी काय करू…
*
कानही तसेच आहे
नको ते ऐकोनी
मम डोक्यात साठवी कुविचार सतत….
*
हाताने स्पर्षावे
पायाने तिकडेच धावावे
संपूर्ण अवयवचि मज
हरवित आहे…
*
जिव्हा केवळ
गुरुमंत्राचा जाप करोन
मम स्थिर करू इच्छिते
तीच माझी त्राता…
☆
© श्री अनिल वामोरकर
अमरावती
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
