श्री तुकाराम दादा पाटील
कवितेचा उत्सव
☆ देवबाप्पा… ☆ प्रा तुकाराम दादा पाटील ☆
☆
माणसांची होत गेली श्वापदे
मोडताना शासनाचे कायदे
*
आठवेना काय होते बोलले
काढले मोडीत त्यांनी वायदे
*
जात काही जात नाही येथली
घालवाया ती मला तू साथ दे
*
रावणाला राम आहे जाळतो
पेटवाया पेटलेली वात दे
*
आज सारे सत्यवादी संपले
जगवण्या साठीच त्यांना श्वास दे
*
शोधणारे लाख वेळा शोधती
नेमके त्यांच्याच साठी फायदे,
*
देव बाप्पा सोड आता पेंगणे
पामरा त्या तूच थोडा न्याय दे
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
तुकाराम दादा छान गझल!