डॉ. सोनिया कस्तुरे
कवितेचा उत्सव
🍃 हे तथागता… 🍃 डॉ.सोनिया कस्तुरे ☆
☆
हे तथागता…
तुझ्या विचारांशिवाय
जगण्याला अर्थ नाही
तुझ्याविना जगाच्या
शांततेला पर्याय नाही.
*
तू कुणी परका नाहीस
इतकं कळण्या इतपत
माणूस, माणूस होऊ दे
या मातीत रुजून तू
संपूर्ण आसमंत ही सृष्टी
व्यापून गेलास..
हे जरा तरी उमगू दे
*
तुझ्या करुणेचा एक कण
प्रत्येकाच्या मनात झिरपू दे
तुझ्या नसानसातून वाहणाऱ्या
मानवतेचा एखादा तुषार
आमच्या मस्तकात उमटू दे..!
*
तुझ्या पंचशील तत्वाने
माणसाचं मन रंगवू दे
तुझ्या सत्य, सम्यक मार्गाने
प्रत्येकाच्या चेहऱ्यावर
स्मित फुलू दे..!
☆
© डॉ.सोनिया कस्तुरे
विश्रामबाग, जि. सांगली
भ्रमणध्वनी:- 9326818354
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
