श्री तुकाराम दादा पाटील
कवितेचा उत्सव
☆ नाती… ☆ प्रा तुकाराम दादा पाटील ☆
☆
निलांबरातील मस्त चांदणे
गस्त घालते माझ्या भवती
साद घालती मिळून सारी
मनात रुजली सतेज नाती
*
खुळ्या पावसा किती धावशी
भिरभिरणाऱ्या वा-यासंगे
स्वप्ना मधले स्पर्श सुखाचे
अजून सगळे आहेत जागे
*
भल्या पहाटे निवांत वेळी
मंद झुळूक वाऱ्याची येते
आठवणींच्या कुरणा मधुनी
मला फिराया सोबत नेते
*
प्रकाशदाता सूर्य उगवतो
अंधाराला विरळ कराया
किरण उबीचे झेलत जाता
पुलकित होते माझी काया
*
चैतन्याचा साज लेवुनी
चराचराला हात जोडते
ध्यानमग्न मग होता होता
स्वर्ग सुखाला कवेत घेते
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
