श्री शरद कुलकर्णी
कवितेचा उत्सव
☆ संघर्ष… ☆ श्री शरद कुलकर्णी ☆
☆
संघर्षाचा प्रवास खूपच मोठा आहे.
तुझी उंची कमी आणि देहही
छोटा आहे.
पाहू नको आरशात, नको
निरखू रुप.
फसव्या आहेत प्रतिमा आणि
वेगळेच स्वरुप.
पायात काटा आहे निमूट
टाक काढून.
माहीत नाही पुढे आहे काय
ठेवले वाढून.
समजून घे दुःखाचा प्रपात
आहे मोठा.
आणि तुझ्या खिशातला रुमाल
आहे छोटा.
पायात असो बळ आणि
ओठी शीळ.
थेंब असो वेदनेचा राहो
काळजात पीळ.
☆
© श्री शरद कुलकर्णी
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
