श्रीशैल चौगुले
कवितेचा उत्सव
☆ फाल्गुनी पंढरी… ☆ श्रीशैल चौगुले ☆
☆
फाल्गुन प्रारंभ वसंत स्वागत
कोकीळ स्वरात अभंगराग.
*
सर्वत्र बहार संतांची पंढरी
शोभती सुंदरी चंद्रभागाही.
*
विठ्ठल ऊभाची विश्वाचे अंतरी
नामाची जंतरी भक्ताकृपेस.
*
पाखरे नभात कालव गजर
पंढरी नजर स्वर्ग भुवरी.
*
पालवी फुलवा मानवा सुखांत
विठ्ठल एकांत भेटे अभंगी.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
