श्री प्रमोद वामन वर्तक
कवितेचा उत्सव
😩 उ च की ! 😩☆ श्री प्रमोद वामन वर्तक ☆
☆
ही कोणास कधी लागेल
धरू नका हिचा भरवसा,
येई आयुष्यात प्रत्येकाला
एक अनुभव तिचा खासा!
*
अख्खे शरीर हलवणे
ताकद एव्हढी हिच्यात,
ही लागताच मग वाटे
जीव जाई आतल्या आत!
*
पाणी पिण्या पासून
सुरु होती मग ऊपाय,
रिचवले जरी दोन तांबे
होई तिजपुढे निरुपाय!
*
नवा कोणी सुचवी ऊपाय
म्हणे दाबून धरा श्वास,
चुटकी सरशी माघारी
जाईल तिच्या घरी खास!
*
आधीच पोटाला तडस
त्यात श्वास थांबलेला,
वाटे मनी आता होणार
आपले हरी ओम विठ्ठला!
आपले हरी ओम विठ्ठला!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
