मराठी साहित्य – कवितेचा उत्सव ☆ “चांदण्याची फुलं…” ☆ श्री सुनील देशपांडे ☆

श्री सुनील देशपांडे

 कवितेचा उत्सव 

☆ “चांदण्याची फुलं…” ☆ श्री सुनील देशपांडे ☆

☆

उजेडाच्या झाडाला गं चांदण्यांची पुलं

मनाच्या आंगणी तुझ्या यशाचीच फुलं

* 

थकतील हात तरी येवढंच काम

उचलून हुंगायची आंगणात फुलं

 *

आनंदाची बाग, बागडावं मनसोक्त

रात्रीतून वेचायची चांदण्यांची फुल

 *

चांदणी ती तुझी, छोटुलीला मी दाखवी

तिनेच ना पाठवली चांदण्यांची फुलं?

* 

मनाच्या त्या गाभा-यात असेल का जागा?

वहायला माझ्यासाठी चांदण्यांची फुलं

* 

सांग तुझ्या छोटुलीला म्हाता-याची गोष्ट

आणि सांग वहायला चांदण्यांची फुलं.

☆

© श्री सुनील देशपांडे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈