प्रा. भरत खैरकर
कवितेचा उत्सव
☆ खळाळ रक्ताचा… ☆ प्रा. भरत खैरकर ☆
☆
स्वप्नांची ओढूनी शाल
पाषाणाशी घेतली उरभेट
माथ्यावरचे आभाळ धरण्या
चढलो घाटांवर घाट!
*
अखंड वेदना पेलतांना
झुंजायाचे बळ आले
तुटल्या पंखानी भरारतांना
पंखाखाली आभाळ निळे!
*
शमता खळाळ रक्ताचा
पेलताना चढावाचे आव्हान
अधांतरी अंतरीचा झुला
तुटे कंठातील मधुतान!
☆
© प्रा. भरत खैरकर
संपर्क – बी १/७, काकडे पार्क, तानाजी नगर, चिंचवड, पुणे ३३. मो. ९८८१६१५३२९
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
