श्री तुकाराम दादा पाटील
कवितेचा उत्सव
☆ गुंड… ☆ प्रा तुकाराम दादा पाटील ☆
☆
चांगले लोकही आंधळे जाहले
फालतू वागले कावळे जाहलें
*
संगती भोवल्या नासल्या भावना
भोग भोगायचे सोहळे जाहले
*
गुंतले ते असे लाभल्या यातना
जाणते शाहणे वेंधळे जाहले
*
सापळे मांडले कोंडली माणसे
भक्त सारे कसे बावळे जाहले
*
धर्म आहे कुठे राहिला चांगला
कर्म आहे इथे पांगळे जाहले
*
साधना संपली वासना जागली
पाप ही हासले सोवळे जाहले
*
बंधने संपली कायदे मोडले
गुंड आता पुन्हा मोकळे जाहले
*
रंगल्या बातम्या संपली तीवृता
ढोंग आता किती कोवळे जाहले
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
