श्री शरद कुलकर्णी
कवितेचा उत्सव
☆ प्रश्न छळवादी… ☆ श्री शरद कुलकर्णी ☆
☆
आणि तसाही अर्थ नव्हता
विचारण्याला प्रश्न माझ्या.
गांभीर्यही नव्हते अपेक्षित
असंबद्ध उत्तराचे तुझ्या.
*
विसरुन जा म्हणण्याआधी
विसरलीस ना तू मला.
विसरणे विसरुन गेलो
विसरले मी जसा मला.
*
अनुत्तरित प्रश्न माझे
प्रश्न अजूनही पडती मला.
घेउनी गेलीस प्रश्न माझे
ठेऊन उत्तराचे ओझे मला.
*
पाठ करुन निघून गेली
अतर्क्य उत्तरे सारी मला.
पुनःपुन्हा परत सामोरी
छळवादी प्रश्न येती मला.
☆
© श्री शरद कुलकर्णी
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
