स्वाती विकास गाडेकर
कवितेचा उत्सव
☆ घड्याळाचे महत्त्व... ☆ स्वाती विकास गाडेकर ☆
☆
घड्याळाचे काटे तीन…
तास, सेकंद आणि मिनिट!!
*
धावती एकमेकापाठी सतत..
होती गाठीभेटी हलत डुलत!!
*
सेकंद काट्याचा वेगच फार..
धावतो एका दमात तालेवार!!
*
मिनिट काटा श्वास घेत घेत चालतो..
पण एका तालासुरात धावतो!!
*
तास काट्याचा वेग असा असतो..
जणू कासवाच्या गतीनेच तो चालतो!!
*
भेटतात मधून अधून तास मिनिट एक दुसऱ्यास..
विचारतात ख्याली खुशाली एकमेकास!!
*
माणसाच्या आयुष्यात घड्याळाचे महत्व..
जसे सूर्याचे पृथ्वीवर असे महात्म्य!!
☆
© स्वाती विकास गाडेकर
ए१०२, गगनगिरी सोसायटी, सेक्टर १७, वाशी, नवी मुंबई, ४००७०३ मो ९८३३७००५७१
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
