श्री तुकाराम दादा पाटील
कवितेचा उत्सव
☆ प्रेमास प्रेम द्यावे… ☆ प्रा तुकाराम दादा पाटील ☆
☆
आयुष्य सार्थकी हे लागेल का पहावे
माणूस माणसाला समजून वागवावे
*
लुटण्यास भक्त भोळे होवू नये पुजारी
पावित्र्य देवळांचे स्वर्गीय सावरावे
*
पाळायचाच असतो अभिमान शांततेने
टाळून द्वेष सारे बंधूत्व आकळावे
*
माती सदैव देते आधार माणसाला
करुनी तिचीच सेवा राबून धन्य व्हावे
*
गरजा असंख्य येथे आहेत जीवनाच्या
परिपूर्ण त्याच करण्या त्यांच्या सवे झटावे
*
सन्मार्ग दावणारे होऊन संत गेले
वचने स्मरून त्यांची साधेसुधे जगावे
*
नकली प्रलोभनाना फसण्यात अर्थ नाही
आहे खरे बरे ते निवडून घेत जावे
*
बनला समाज आहे जपण्या समानतेला
जवळीक साधताना प्रेमास प्रेम द्यावे
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
