श्रीशैल चौगुले
कवितेचा उत्सव
☆ गार झुलवा... ☆ श्रीशैल चौगुले ☆
☆
वैषाखी अंगारा निवला
पश्चीमी वार्याचे गमन
ऋतू घनांचा हर्ष मना
पाखरांचे झुले सदन.
*
सुगरण ही विहारते
रान-माती प्रतिक्षा धरी
पहिला थेंब काळजात
स्पर्श सुखाचा फुले उरी.
*
मृग नाचत येई आता
रिमझीम गारवा गंध
ओहोळ सज्ज जळी न्हाणे
गगन-धरा ओले बंध.
*
मानव-पशू ऋतू ऋणी
पाऊस भिजवेल भाव
जिथे-तिथे झुलते दृष्य
क्षणात लुप्त सूर्य ताव.
☆
© श्रीशैल चौगुले
मो. ९६७३०१२०९०.
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
