मुग्धा कानिटकर
कवितेचा उत्सव
☆ विवश ☆ मुग्धा कानिटकर ☆
☆
इंधन अन्न पाण्याची टंचाई
वाढत राहते रोज महागाई
*
संसार चालवावा कसा तरी
सुख राही मग स्वप्नच उरी
*
इंटरनेटवरचे आहे जग आभासी
सुखदुःख सांगावे तरी कोणासी
*
असाकसा नियतीच मांडते छळ
कुठवर सोसवेल युद्धाची झळ
*
निर्लज्ज संधीसाधूंची मजाच मजा
सामान्य मात्र भोगती भलतीच सजा
*
नाडली जाते गरजवंत जनतेला
कसा मार्ग सुचेना विचारवंताला
*
स्वार्थ बसला सर्वत्र ठाण मांडून
चालणार कसं पण निराश होऊन
*
माणुसकीची न सोडता कास
जाऊ सामोरे जीवन संघर्षास
*
राहू एकमेकां सोबत न खचता
काढू मार्ग दैवाला दोष न देता..
☆
© मुग्धा कानिटकर
विश्रामबाग, सांगली – मो. 9403726078
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
