श्री तुकाराम दादा पाटील
कवितेचा उत्सव
☆ अंधार वाचणारे… ☆ प्रा तुकाराम दादा पाटील ☆
☆
स्वातंत्र्य हरवलेले नाहीत शोधणारे
आता पुन्हा गुलामी आलेत मागणारे
*
विपरीत चाल खोटी योजून खेळणारे
करतात सर्व धंदे हैदोस घालणारे
*
प्रेमातली चलाखी कळणे कठीण आहे
सगळेच आंधळे ते असतात गुंतणारे
*
आदर्श आज कोठे शोधून सापडेना
झालेत थोर नेते भोंदूस भाळणारे
*
बदलून काळ गेला म्हणतात आज सारे
सत्तांध तेच झाले खैरात लाटणारे
*
करतोय काय आम्ही आम्हास ही कळेन
झालोत दास वेडे लाचार वागणारे
*
झालोय आज आम्ही मारेकरी स्वतःचे
डोळे मिटून काळा अंधार वाचणारे
*
गरजे नुसार प्रेमी करतात प्रेम थोडे
चवचाल लोक इथले आनंद वेचणारे
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
