सुरेखा चिखलकर
कवितेचा उत्सव
☆ संदूक… ☆ सुरेखा चिखलकर ☆
☆
सारीपाटाच्या खेळामध्ये
सोंगटीच्या चालीने ती
चालत राहिली शिणलेल्या
पावलांना घेऊन. ..
काळाच्या पदराखाली
मनातील भावनांना
साठवत राहिली आयुष्यभर,
वेदनांना आवरणं घालून
भळभळत राहिली अश्वत्थामाच्या
जखमेसारखी. ..
शब्दांना सादवत राहिली
मनाच्या संदुकीत स्वतःला
बंदिस्त करून,
डोळ्याच्या बांधावर रिचवत
राहिली हळूहळू स्वतःला
गुह्य अंतरात कायमचे…
🙏
© सुरेखा महिपती चिखलकर
गोटखिंडी, तालुका वाळवा
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
