श्री अनिल वामोरकर
कवितेचा उत्सव
☆ तृप्तता… ☆ श्री अनिल वामोरकर ☆
☆
आज एकांतात
हलकेच ध्यान लागले
अन् अंग प्रत्यंग
उर्जेत न्हाले…
श्वासही मंदावला
भोवतीचे कळेना
एका वेगळ्या विश्वात
मी मलाच पाहीले…
होता कुट्ट अंधार
पण तोही वाटे हवासा,
नव्हती भीती, होते कुतूहल
अंधारातही दिसू लागले…
हळूहळू अंधार
धूसर झाला
हलक्या प्रकाशात
मज सद्गुरू दिसले…
मंद स्मित
तेजोमय वदन,
सुवर्ण किरणांनी वलयांकित,
कृपांकीत केले…
मौनात मी
मौनातच त्या
कृपाकटाक्षे मज
उद्धरीले…
पून्हा तोच काळोख,
हवाहवासा,
शाश्वत तृप्ततेने
मन माझे मोहरले…
☆
© श्री अनिल वामोरकर
अमरावती
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
