श्री प्रमोद वामन वर्तक
कवितेचा उत्सव
🙏 बुद्धी दाता आणि ज्ञान दाता! 🙏 श्री प्रमोद वामन वर्तक ☆
☆
साम्य वाटले मजला
PC आणि गणेशात,
सांगतो समजावून कसे
बघा येतंय कां ध्यानात!
*
साऱ्या विश्वाची खबर
लंबकर्ण कानी आकळे,
साठवी माहिती जगातून
PCचे इंटरनेट जाळे!
*
मोठी सोंड वक्रतुंडाची
करी दुष्टांचे निर्दालन,
अँटीव्हायरस करतो
स्व जंतूचे स्वतः हनन!
*
ठेवी लंबोदर उदरात
भक्तांच्या पाप पुण्याला,
PCची हार्डडिस्क पण
येते ना त्याच कामाला?
*
येई स्वारी गजाननाची
मूषक वाहना वरुनी,
PCचा माऊस पण चाले
एका चौकोनी पॅडवरुनी!
पण,
भले भले भरकटती
PCच्या मोह जालात,
एकच गणेश बुद्धीदाता
ठेवा कोरून हृदयात!
ठेवा कोरून हृदयात!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
