श्री तुकाराम दादा पाटील
कवितेचा उत्सव
☆ सम्राज्ञी… ☆ प्रा तुकाराम दादा पाटील ☆
(दाशी ६+६+६+६ (२४))
☆
दिसला मज चंद्र खुळा मनमुराद हसताना
चांदणीस वाटेवर थांब जरा म्हणताना
*
नयनानी केलेल्या भावखुणा कळल्यावर
दिलखुलास रमली ती दर्पणात बघताना
*
ती हसली मग फसली प्रेमातच कायमची
स्वप्नाच्या दरबारी विनयाने फिरताना
*
मनमौजी प्राणसखा आवडता स्मरताना
प्रेमाच्या झोक्यावर ती दिसली झुलताना
*
गझलेला सापडले विश्वतिचे आवडते
जगण्याचे मनभावन गीतनवे रचताना
*
मंदधुंद वास किती आसपास दरवळतो
मिलनाच्या ओढीने अंतरात फुलताना
*
गूढ गीत गाताना सूर नवा सापडला
बनली मग सम्राज्ञी संसारी मुरताना
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
