अरुणा मुल्हेरकर
कवितेचा उत्सव
☆ काय चूक आहे ? ☆ सुश्री अरुणा मुल्हेरकर ☆
(वृत्त – मंजुघोषा (गालगागाx३) – सूट घेऊन)
☆
काय आहे चूक माझी ठाव घेते
का विषारी भाषणाचा घाव घेते
*
स्पर्श होता पान मिटले हे शमीचे
नोवरी ती लाजुनी बघ नाव घेते
*
पाहुनी रूपास या मी लुब्ध झालो
का असा तू एवढा मग भाव घेते
*
योजिलेले खूप काही मी मनाशी
पूर्ण करण्या स्वप्न माझे धाव घेते
*
खेळताना का रडी हो खायची ती
हार झाली तर पुन्हा मी डाव घेते.
☆
© सुश्री अरुणा मुल्हेरकर
डेट्राॅईट (मिशिगन) यू.एस्.ए.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
