स्वाती विकास गाडेकर
क्षण सृजनाचे
☆ ‘‘श्रावण आणि सण…’ ☆ स्वाती विकास गाडेकर ☆
☆
वरील कविता लिहिण्याचे मुख्य कारण म्हणजे, आपल्या सर्वांसाठीच असलेला बिकट करोना काळ मुख्यत्वे कारणीभूत आहे. त्या वेळी आलेला श्रावण महिना हा खूपच वेगळा, असुरक्षित आणि भीतीदायक होता.
लहानपणापासून जो आनंद श्रावण महिन्यात अनुभवला होता त्याची आठवण तेव्हा अगदी बेचैन करत होती. त्या बालपणीच्या आठवणींमुळेच ह्या कवितेचा जन्म झाला.
ही कविता लिहिणे म्हणजे थोडक्यात बालपणीच्या आठवणींना उजाळा देणे आणि प्रत्यक्ष नाही परंतु कवितेच्या माध्यमातून स्वतः आणि आप्तजनांना ह्या पवित्र महिन्याचा अनुभव घडवणे हाच एक उद्देश्य होता.
☆श्रावण अणि सण ☆
☆
आला श्रावण महिना..
सणासुदीने सजलेला!!
*
देवधर्म व्रतवैकल्याने भरलेला..
पुजाअर्चेने न्हाऊन निघालेला!!
*
पहा उन्ह पावसाचा मेळ..
सोबत इंद्रधनुष्याचा खेळ!!
*
सणांसोबत सोमवार शनिवार..
जिवतीची पूजा करा दर शुक्रवार!!
*
तांदूळ, तीळ, मूग आणि जवस..
शिवामूठ वाहू सोमवारी शिवास!!
*
आल्या सासुरवाशीणी माहेरी..
सण साजरे कराया आईच्या घरी!!
*
हिंदोळा🎡 बांधला चिंचेच्या झाडाला..
माहेरवाशिणी लागती झुलायला!!
*
माहेरची ती मजाच और..
सुवासिनी पूजिती मंगळागौर!!
*
नागपंचमीचा 🐍सण आला..
चला रानी नागोबा पुजायाला!!
*
नारळी पौर्णिमा🌕 आली ग बाई..
भावाला बांध राखी ग ताई!!
*
कृष्णाष्टमीस उपवास धरावा..
गोपाळकाला साजरा करावा!!
*
उपासतापास गोडधोड..
मुलाबाळांच्या रेलचेलीस नाही तोड!!
*
मजा घेत श्रावण ⛈️सरींचे..
हितगुज ते गोड आठवणींचे!!
*
असा श्रावण महिना मानाचा..
आनंद आणिक सुख देण्याघेण्याचा!!
☆
© स्वाती विकास गाडेकर
ए१०२, गगनगिरी सोसायटी, सेक्टर १७, वाशी, नवी मुंबई, ४००७०३ मो ९८३३७००५७१
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
