प्राची अभय जोशी
चित्रकाव्य
मुग्ध कळी… प्राची अभय जोशी ☆
☆
सकाळ होताच कळीने
अलगद उमलावं…
*
वा-याच्या झुळुकेत अगदी
हळूवार डुलावं…
*
सुंदरता काय असते हे
यांच्याकडून शिकावं…
*
स्वतःच्या अबोध सौंदर्यानं
सर्वांना मंत्रमुग्ध करावं…
*
किती ते सुंदर दिसावं अन
किती ते सहज असावं…
*
काटयांमधे उमलून सुद्धा
खूप कणखर रहावं…
*
स्वतःचे गुलाबीपण मात्र
अगदी अभिमानाने मिरवावं…
☆
© प्राची अभय जोशी
मो 9822065666
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
