प्राची अभय जोशी
चित्रकाव्य
कल्पवृक्ष… प्राची अभय जोशी ☆
☆
प्राजक्त भामेच्या दारचा
हळूवार अलगद उमलला
*
त्याचा पसाभर सडा मात्र
रुक्मीणीच्या अंगणी सांडला..
*
प्राजक्त वेचला कितीही ढिगाने
तरी तो काट्यावर नाही तोलला
*
त्याच्या नाजूकपणाचा त्याने
कधीच बाजार नाही मांडला…
*
प्राजक्त असा असावा अंगणी
कृष्णाच्या कथेची अशी महती
*
त्याच्या फुलण्या उमलण्यातच
श्रीकृष्णाची दडलेली भक्ती…
*
प्राजक्ताचा असा सुवासिक वृक्ष
त्याचे खरे स्थान तर स्वर्गातच
*
इंद्रदेवाचे आहे हे तेरावे रत्न
स्वर्गीय आनंदाचा निखळ स्त्रोत
*
प्रत्येकाच्या मनी वसलेला मात्र
हा एक कल्पवृक्ष
हा एक कल्पवृक्ष…
☆
© प्राची अभय जोशी
मो 9822065666
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
