नीलांबरी शिर्के
कवितेचा उत्सव
☆ चटके… ☆ नीलांबरी शिर्के ☆
☆
जीवनभर चटके मिळता
चटक्यांचे भय ना उरते
हे सोसुन सारे आता
सरणाचे भय कुठले ते!!
*
मी छिन्न नयनबाणांच्या
कायेच्या जखमा शिवते
शब्दांनी विदीर्ण ह्रदया
हळू फुंकर घालत बसते!!
+
मी कणभर गंधासाठी
अनवाणी पावली फिरले
तळपायीच्या फोडांना
अश्रुंनी चुंबीत बसले!!
*
गगनाला भिडण्यासाठी
पंखाची फडफड केली
झेपाऊन उडण्या आधी
मी पंख गमाऊन बसले!!
☆
© सुश्री नीलांबरी शिर्के
≈संस्थापक संपादक – श्री हेमन्त बावनकर/सम्पादक मंडळ (मराठी) – उज्ज्वला केळकर/श्री सुहास रघुनाथ पंडित /मंजुषा मुळे/गौरी गाडेकर≈
