श्री प्रमोद वामन वर्तक
चित्रकाव्य
बालकाची विनवणी.. श्री प्रमोद वामन वर्तक ☆
☆
नैवेद्याच्या नावाखाली
पडे पूर्णब्रह्म चौथऱ्यावर,
निर्जीव दगडांच्या देवासाठी
मात्र पंचपक्वानांचा आहार!
*
फाके पडती घरच्यांना
त्यात पडला हा दुष्काळ,
तुझ्या नशिबात मात्र देवा
असे फुकटचा सुकाळ!
*
तुझ्याच घरची आम्ही फुले
ठेवतोस का आम्हां उपाशी?
सदा भुकेले ठेवून आम्हाला
तूच का बरे जेवावे तुपाशी?
*
दिसताच सुग्रास भोजन
नजर त्याच्यावर पडली,
एवढे सगळे तू कसे खाणार
बाल मनात शंका आली!
*
प्रसाद समजून घेतो थोडं
भूक घरच्यांची भागवतो,
चोरी समजू नको तू याला
एवढे एकच तुज विनवितो!
एवढे एकच तुज विनवितो!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
