श्री संदीप सुंकले (दास चैतन्य)
विविधा
☆ (१) रंग (२) कोण्या एकाची जीवनगाथा ☆ श्री संदीप सुंकले (दास चैतन्य) ☆
☆ (१) रंग ☆
मानवी जीवन विविध कंगोऱ्यांनी बनलेले असते, असे म्हटले तर वावगे होणार नाही…
कधीकधी मनुष्याला निर्मम, निर्व्याज, निर्मळ प्रेमाची अनुभूति येते…..
कधीकधी एखाद्यावर मनुष्य अकारण प्रेम करू लागतो, तर कधीकधी एखाद्याला अशा अकारण प्रेमाचा लाभ होतो, तो अकृत्रिम स्नेह त्याला अनपेक्षितपणे प्राप्त होतो…
अशावेळी त्या त्या मनुष्याच्या चेहऱ्यावर प्रसन्नतेने हास्य विलसते…
अशा अकृत्रिम, निर्मळ हास्याने त्या मनुष्याच्या चेहऱ्यावर एक विशेष रंग चढतो….
हा रंग कोणालाही दिसत नाही, पण तो जाणवू शकतो….
ज्याच्या चेहऱ्यावर हा रंग खुलतो, तो मनुष्य तो रंग दिवसभर अनुभवू शकतो…..
हा रंग कोणत्याही बाजारात विकत मिळत नाही….
तर तो निव्वळ अकृत्रिम स्नेहाचे आणि निर्व्याज प्रेमाने प्राप्त होऊ शकतो…
….
कारण हा रंग अशी दिव्य अनुभूती घेणाऱ्याच्या मनात तयार होत असतो आणि त्याच्या मनातच साठून राहत असतो…
त्याला रंगाला एक्सपायरी नाही…..
हा अनुभव आपण कदाचित कधीतरी घेतला असेल….
******
☆ (२) कोण्या एकाची जीवनगाथा ☆
“कही दूर जब दिन ढल जाए…. “
ही ओळ कानावर पडली आणि मला आनंद सिनेमा आठवला….
राजेश खन्ना आणि त्याचा अजरामर संवाद…..!
“जिंदगी बडी होनी चाहिए..
लंबी नहीं….!! “
विचार केला तर सहा शब्दांचा संवाद, पण त्यात साऱ्या जन्माचं सारं….
मध्ये एक वाक्य वाचनात आले…
येणारा पुढील प्रत्येक श्वास म्हणजे वाढदिवस….
त्या दिवशी हे गीत आठवले नाही, पण हे गीत ऐकल्यावर ते वाक्य आठवले…
जिंदगी बडी करायची असेल तर आयुष्यातील प्रत्येक श्वासाचे मोल जाणले पाहिजे…
विश्वास आहे तो पर्यंत श्वास आहे…
त्याचा आपल्यावरील विश्वास संपला की तो आपले श्वास संपवतो….
ज्याप्रमाणे क्षणा क्षणाने आयुष्य बनते, तसे श्वासा श्वासाने जीवन बनते असे म्हणता येईल…
प्रत्येक श्वास आणि प्रत्येक क्षण आनंदानें व्यतित करता आला तर…
सर्व महान व्यक्तींनी हेच सुचविले आहे…
मी जगायला सुरुवात केली…
……..
शब्दांकन : संदीप सुंकले (दासचैतन्य)
मो. 8380019676
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर
