मराठी साहित्य – मनमंजुषेतून ☆ हनुमानाची प्रार्थना – तारी उदारा… ☆ श्री दिवाकर बुरसे ☆

श्री दिवाकर बुरसे

 मनमंजुषेतून 

✦ हनुमानाची प्रार्थना – तारी उदारा… ✦ श्री दिवाकर बुरसे ☆

(चैत्र पौर्णिमा, गुरुवार २ एप्रिल २०२६ – – या दिवशी संपन्न होणाऱ्या हनुमान जन्मोत्सवानिमित्त हनुमानाची प्रार्थना)

☆ तारी उदारा ☆

☆
रघुवीर दासा, रुद्रावतारा

तारी उदारा, तारी उदारा!।।१।।

*

मंदारमाला, सिंदूर ल्याला 

मज बालकाला, तारी उदारा।।२।।

*

तुझिया प्रतापे त्र्यैलोक सारा 

कापे थरारा, तारी उदारा।।३।।

*

बजरंग धीरा, बळवंत वीरा

भवदुःख हारा, तारी उदारा।।४।।

*

वायू-सुपुत्रा, बुद्धीसमुद्रा

षट्शत्रु वारा, तारी उदारा।।५।।

*

कपिसंघमुख्या, दे शांति सौख्या

शरणागता या, तारी उदारा।।६।।

☆

© श्री दिवाकर बुरसे

पुणे

संपर्कः ९२८४३००१२५, ९५५२६२९२४५

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈