डॉ अभिजीत सोनवणे
© doctorforbeggars
मनमंजुषेतून
☆ डॉक्टर फॉर बेगर्स ☆ “मी वाट पाहतोय…!” ☆ डॉ अभिजीत सोनवणे ☆
किती गोड मुलं आहेत ना ही???
अगदी आपल्या घरातल्या सारखी…
पण आपल्या मुलांना आपण ज्या सोयी सुविधा देतो त्या यांना मिळत नाहीत, कुत्र्या मांजरासारखी ती रस्त्यावर राहतात, (कुत्र्या मांजरांना सुद्धा हल्ली बरे दिवस आहेत)
कुणी दिले तर कपडे घालतात, कुणी दिले तर खातात….!
फक्त लाचारीची सवय लावली जाते, जन्मल्यापासून…
ती ही खुद्द त्यांच्या माता-पित्यांकडून…!
या मुलांनी शिक्षणाच्या प्रवाहात यावे, यासाठी खूप प्रयत्न करत आहे, परंतु आमच्या भिक्षेकऱ्यांमध्ये एक गट असा आहे की, जो शिक्षण घेतले तर पाप लागते असं समजतो.
– – किंवा मुलांकडून जास्त भीक मिळते या कारणास्तव पालक या समजाच्या पडद्याआड लपत असतील…!
या मुलांच्या आणि पालकांच्या जास्तीत जास्त जवळ जाण्याचा आणि त्यांचा विश्वास जिंकण्याचा नेहमीच प्रयत्न करत आहे, मात्र मागील दहा वर्षात मला हे जमलं नाही….!
It’s my failure….! त्यांचा विश्वास जिंकण्याच्या प्रयत्नाचा एक भाग म्हणून अनंत गोष्टी आजपर्यंत केल्या….
आता आपण या मुलांना चांगल्या क्वालिटीचे स्वेटर थंडी पडण्याच्या अगोदर देणार आहोत….!
मिळणाऱ्या देणगीतून स्वेटर साठी थोडे पैसे बाजूला टाकत आहे… ऑक्टोबर पर्यंत सर्व सांभाळून, काही बाही जमा होतीलच….!
– – बघू मायेची ऊब मिळाली तर विरघळतील कधी तरी, आज ना उद्या… मी वाट पाहतोय…!
आपला स्नेहांकित.
डॉ. अभिजीत सोनवणे
© डॉ अभिजित सोनवणे
डाॕक्टर फाॕर बेगर्स, सोहम ट्रस्ट, पुणे
मो : 9822267357 ईमेल : abhisoham17@gmail.com,
वेबसाइट : www.sohamtrust.com
Facebook : SOHAM TRUST
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
