प्रभा सोनवणे
कवितेच्या प्रदेशात # ३२८
☆ साजण… ☆ प्रभा सोनवणे ☆
☆
निशेच्या देहावर
पुनवेचं चांदणं
गेला साजण दूरदेशी
माझं उदास अंगण!
*
किती?किती वाट पाहू?
डोळी आसवाचं शिंपण
जीव तिळ तिळ तुटे
साक्षी मेंदीचं शिंपण !
*
सोबतीला हातावर
त्याच्या नावाचं गोंदण
कपाळीच्या कुंकवाला
त्याच्या प्रीतीचं कोंदण !
*
चांदराती एकली मी
माझं रडणं कुढणं
कसं समजेल त्याला
दूरदेशी गं साजण!
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – उज्ज्वला केळकर/श्री सुहास रघुनाथ पंडित / मंजुषा मुळे/ गौरी गाडेकर≈
