मराठी साहित्य – मराठी कविता – ♥ प्रेमवेडा पाऊस ♥  – सौ .योगिता किरण पाखले

सौ .योगिता किरण पाखले

(आदरणीया सौ .योगिता किरण पाखले जी का e-abhivyakti में हार्दिक स्वागत है। सौ.योगिता जी मराठी साहित्य की विभिन्न विधाओं की  सशक्त हस्ताक्षर हैं। आप कई पुरस्कारों/अलंकरणों से पुरस्कृत/अलंकृत हैं। आपकी रचनाएँ स्तरीय पत्र पत्रिकाओं / चैनलों में प्रकाशित/प्रसारित हुई हैं। आज प्रस्तुत है आपकी वर्षा ऋतु पर आधारित शृंगारिक कविता “प्रेमवेड़ा पाऊस”। हम भविष्य में आपकी और चुनिन्दा रचनाओं को प्रकाशित करने की अपेक्षा करते हैं।)   

♥ प्रेमवेडा पाऊस ♥

आठवतो मला आजही तो पाऊस

आपल्या प्रेमाची पूरवायचा हौस …… धृ

सरीवर सरी किती धुंद करायच्या

भावनांच्या ओलाव्यात चिंब चिंब भिजवायच्या

डोळ्यांनीच सांगून जायचा,नको ना गं जाऊस

आठवतो मला….. १

ओथंबलेले घन अन भिजले मन थांबवायचे कसे

काही शब्दातच सारे गाणे बसवायचे कसे

माहित होत त्याला म्हणूनच सांगायचा, नको ना गं गाऊस

आठवतो मला….. २

कधी खोडकर कधी हळवा होऊन बरसायचा

डोळ्यातील अश्रूंना उगाचच पावसात भिजवायचा

मी बोलायच्या आतच म्हणायचा, नको ना गं पाहूस

आठवतो मला……. ३

भर पावसात मुद्दामच छत्री विसरायचा

एका छत्रीत( छताखाली) येण्याचा बहाणा शोधायचा

मी बोलण्या आधीच कटू सत्य म्हणायचा, नको ना गं दृष्ट लावूस

आठवतो मला….. ४

© सौ. योगिता किरण पाखले, पुणे