मराठी साहित्य – मनमंजुषेतून ☆ हौसला होना चाहिये! ☆ सुश्री संध्या बेडेकर ☆

सुश्री संध्या बेडेकर

 मनमंजुषेतून 

☆ हौसला होना चाहिये! ☆ सुश्री संध्या बेडेकर ☆

“हौसला होना चाहिए! जिंदगी तो कहीं से भी शुरू की जा सकती हैं ।” ••••

आज ताईचा कौतुक समारंभ आहे. एका ‘केक शो ‘ मध्ये पहिले बक्षीस मिळाले तिला. मी आवर्जून या समारंभाला जायचे ठरविले होते. ताई करिता हा फार महत्वाचा दिवस आहे. आमच्या साठी ताईची ही प्रगती खरंच खूप कौतुकास्पद आहे. वयाच्या चाळीशी नंतर स्वतः चे अस्तीत्व सिद्ध करणे तेवढे सोपे नसते. ••••

आमची ताई सर्व भावंडात मोठी. ग्रॅज्युएशन नंतर लगेचच लग्न झाले. एका मोठ्या परिवारात ती छान रमली. आपले कर्तव्य अगदी छान पार पाडले तिने. फक्त एक खंत तिला नेहमी असे, की मी घरकाम केले, घर सांभाळले, मुलांना सांभाळले, याशिवाय वेगळं असं मी कधी काही केले नाही. तिला ‘ ‘Baking’ ची खूप आवड होती, पण कधी जमलेच नाही. संधी मिळाली नाही म्हणा किंवा थोडा भिडस्त स्वभाव असल्याने, मनातलं कधी बोललीही नाही. •••••

मागच्या वर्षी तिच्या दीराचे लग्न झाले. ‘भाग्यश्री ‘ घरी आली, ती बॅंकेत नोकरी करणारी छान, सुंदर, स्वभावाने पण तेवढीच छान. ताई व भाग्यश्री ची लगेच दोस्ती झाली. वयात दहा, बारा वर्षांचे अंतर म्हणून लहान बहिणीसारखेच ताई तिच्याशी वागत असे. भाग्यश्री नोकरी करणारी असली तरी जमेल तेवढी मदत करायची. ताई ला एक लहान बहीण व मैत्रिण मिळाली. दोघी खूप गप्पा मारतात. •••••

आई बाबा हे सर्व बघून खुश होते. दोघींचे पटते हे चांगले झाले. आता काळजी करायची गरज नाही. आई पण दोघींच्या गप्पांमध्ये भाग घेतात. एकदा सहज बोलता बोलता ताईने आपली बेकिंग ची आवड भाग्यश्री ला सांगीतली. ••••

तिने हे ते मनावर घेतले. आईंबरोबर चर्चा केली. व एका ‘Baking class’ मधे ताईचे नाव नोंदवले. फी भरली. व स्वतः दोन दिवस सुट्टी घेऊन घर सांभाळले. ताईला क्लासला पाठविले. •••••

भाग्यश्रीचे हे करणे, म्हणजे ताईला प्रोत्साहन देणे होते. जणू काही ताईचे भाग्य बदलायचे तिने ठरविले होते. आईंनाही हे पटले. ••••

घरचे सर्व आनंदात होते. ताईचा कोर्स पूर्ण झाला. आवड असल्याने ताईची प्रगती छान होती. आता ताई केक्स चे आॅड्रर घेऊ लागली. हळूहळू ओळखीच्या सर्वांकडून तिला ऑर्डर मिळु लागले. ••• 

भाग्यश्री ऑनलाईन सर्व साहित्य मागवून देत असे. दोघी मिळून चर्चा करत, की हे काम अजून कसं छान करता येईल.??? केक बरोबर ‘ग्रीटिंग कार्ड ‘ देणे त्यावर प्रसंगानुसार मेसेज लिहिणे. वेळेवर केक ची डिलीव्हरी देणे. या सर्व गोष्टींमुळे ताईचे लवकरच नाव झाले. आता तिला आठवड्याला चार पाच आॅर्डर सहज असतात.. •••••

‘Home maker ‘ ताई ‘ business woman ‘ ही झाली •••••

“कौतुक करणाऱ्या दहा व्यक्तिंपेक्षा प्रोत्साहन देणारी एक व्यक्ती तुमचे आयुष्य कसं बदलू शकते. याचे हे सुंदर उदाहरण आहे. “••••

आईंच्या आग्रहाने आता घर कामाला एका मावशींना ठेवलं. ताईने आपल्या कामात लक्ष केंद्रित केले. बिझनेस वाढविण्यासाठी जाहिरात देणे सुरू केले. वेगवेगळे प्रयोग करून, बेकिंगच्या नवनवीन कल्पना, त्यात स्वतः ची कल्पकता, त्यामुळे प्रसिध्दी लवकर मिळाली. •••••

त्यात भर पडली तिच्या स्वभावाची, प्रसन्न व्यक्तिमत्वाची. घरचे सर्व तिला आपापल्या परीने मदत करू लागले. ••••

आज तिचा कौतुक समारंभ बघून भाऊजींच्या डोळ्यात पाणी आले. आपल्या बायकोचा हा गुण मला माहितच नव्हता. तिने कधी सांगितले नाही. व मी कधी तिची काही इच्छा आहे का? हे विचारले नाही. वीस वर्षे झाली बरोबर राहून, पण हे कधी लक्षातच आले नाही. हे काम तर ती आधी पण करू शकली असती. चुकलेच माझे. मला तिला प्रोत्साहन द्यायला हवे होते. •••••

ताई म्हणाली, ••••अहो! मी तरी कधी तुमच्या बरोबर याबाबतीत बोलले का?? . काही हरकत नाही. प्रत्येक गोष्टीची वेळ यावी लागते. भाग्यश्री ने हे मनावर घेतलं, आईंनी पण सपोर्ट केला. तिने माझ्याही उन्नती चा विचार केला. आता तुम्ही सर्व मला प्रोत्साहन देता. घर कामात मदत करता. म्हणून सर्व जमतंय मला. हे शक्य झालंय. ••••

” नशीबाचे सर्व फासे आपल्या मनाप्रमाणे पडतील असे नेहमी घडत नाही. पण जसे पडतील, त्या परिस्थितीत आयुष्याचा डाव जिंकण्याची जिद्द मात्र असावी लागते “. ती ताईत होती. ••••

” समय सबका बदलता/ आता हैं।”••••

 म्हणतात ना, ••••

“हौसला होना चाहिए । जिंदगी तो कहीं से भी शुरू हो सकती हैं ।”••••

आज कौतुक समारंभात ताई ने सर्वांना धन्यवाद दिले. ती म्हणाली आज एक गोष्ट लक्षात आली. काही जण खूप मोठ्या मनाची असतात. दुसऱ्या च्या प्रगतीचाही विचार करतात. मदत करतात. एकमेकांना आधार दिला तर सर्वांचीच प्रगती होऊ शकते.

प्रत्त्येकाने बाहेर जाऊनच पैसे कमविले पाहिजे असं नाही. •••

सर्वांना एक विनंती आहे. आपला छंद जागृत ठेवा. घरच्यांशी बोला. आपली इच्छा सांगा. कधी कधी काही गोष्टी करायला/ व्हायला उशीर लागतो. पेशंन्स ठेवा. ••••

“चूकीच्या दिशेने वेगाने जाण्यापेक्षा योग्य दिशेने हळूहळू चालणे केंव्हाही चांगले नाही का?? ” •••••

मुलं मोठी झाल्यावर नोकरी साठी, शिक्षणाकरिता बाहेर पडली की, आपला एकटेपणा घालवायला, आपले छंद कामी येतात. एकमेकांना मदत केली तर सर्वच पूढे जातात. ••••

ताईने सर्वांना धन्यवाद दिले. भाग्यश्री व आईंना स्टेज वर बोलवून त्यांची ओळख माझे ‘आधार स्तंभ ‘ म्हणून करून दिली. ••••

आयुष्य हे एकेरी मार्गासारखे आहे. मागे वळून पाहता येत पण मागे जाता येत नाही. •••• निसर्ग आपल्याला देतो तो चेहरा, व आपण स्वकर्तृत्वाने निर्माण करतो ती आपली ओळख असते. ••••

फक्त •••• 

“हौसला होना चाहिए, जिंदगी तो कहीं से भी शुरू की जा सकती हैं ।”

आज माझ्या लहान बहिणीने शिकवले आनंद हा सोन्यापेक्षाही मुल्यवान असतो म्हणून. आनंद वाटा, तो लुटा व स्वतः ही आनंदी रहा. सर्वांचा विचार करणारी भाग्यश्री आमच्या घरचा ‘ binding factor ‘ आहे. भाग्यश्री नेहमी म्हणते, •••• 

” ताई तुम्ही सर्व आहात म्हणून माझ्या जगण्याला अर्थ आहे ना. ” ••••

“एक स्त्रीच दुसऱ्या स्त्री चे पाय ओढते. हा जूना भ्रम दूर करूया.

एक स्त्री दुसऱ्या स्त्री ची मदत करते. हा मेसेज प्रचलनात आणुया. “

“देणारा कायमच सर्व श्रेष्ठ असतो मग तो आधाराचा शब्द असो, नाही तर मदतीचा हात. ” ••••

म्हणतात ना, ••••

“चांगले व्यक्तिमत्त्व कधीच जन्म घेत नाही, ते निर्माण करावे लागते. आपल्या बरोबर दुसऱ्यांचही भल व्हाव. अशी ज्यांची मानसिकता असते त्यांना आयुष्यात कधीच काही कमी पडत नाही. “•••••

© सुश्री संध्या बेडेकर 

वारजे, पुणे. 

7507340231

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈