सुश्री वर्षा बालगोपाल
चित्रकाव्य
आभा स्वागत… सुश्री वर्षा बालगोपाल ☆
☆
दोन बाजूला चवऱ्या ढाळक
मधे अंथरला फुलगालिचा
नभा मधुनी आभा उतरे
थाट अनोखा तिच्या स्वागताचा ||
*
दोन ढग हे तत्पर असती
सुगंधी जल शिंपडण्यासाठी
खग आरव हे हलके नादती
स्वागत गीत म्हणण्यासाठी ||
*
प्रसन्नतेचे अत्तर सांडले
वातावरण हे चैतन्यमयी
रंगसंगती निसर्गाची अशी
वाटे सकलां मोहमयी ||
*
स्वागताचा हा रम्य सोहळा
पहाता प्रभात सरते झरझर
उष्णताही घेउन संगे
दिनराज मग चढतो वरवर ||
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
