श्री शरद कुलकर्णी
कवितेचा उत्सव
☆ नित्य युद्धाचा प्रसंग… ☆ श्री शरद कुलकर्णी ☆
☆
छातीवरती तीर, मी
सहज झेलले होते.
प्रत्यंचा होउन धनुष्याची
ताण पेलले होते.
मी असा अद्भुत योद्धा
हरुन विजयी झालो.
युयुत्सु नसलो तरीही
युद्धास प्रत्ययी आलो.
नि:शस्त्र निहत्ता वीर
मी अहिंसेने लढलो.
झेलताझेलता वार
वीरगतीस प्राप्त झालो.
आम्हास नित्य युद्धाचा प्रसंग
उक्तीस शरण मी गेलो.
लढतालढता स्वत:शी
मग धारातिर्थी पडलो.
☆
© श्री शरद कुलकर्णी
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
