श्री प्रमोद वामन वर्तक
कवितेचा उत्सव
🥰🤳 रॉंग नंबर! 💃🥳 श्री प्रमोद वामन वर्तक ☆
☆
बसले होते दुपारी निवांत
पेपर सकाळचा वाचत,
वाजता मोबाईल अवचित
वाचन तंद्री भंगली क्षणात!
*
मी बोलण्याआधी काही,
झाला समोरचा बोलता,
घाबऱ्या आवाजावरून
“कुणा नवऱ्याचा” वाटत होता!
*
“सॉरी, तू म्हणशील तसं
या पुढे मी आता वागणार,
अंघोळ झाल्यावर लगेच
टॉवेल सुखायला टाकणार!
*
रविवार सकाळचे जेवण
मी आपल्यासाठी बनवणार,
रोज जेवण झाल्यावर
माझं ताट मी स्वतः धुणार!
*
दर रविवारी संध्याकाळी
मोगऱ्याचा गजरा घेणार,
प्रशांतकडची भेळपुरी
मी तुला हाताने भरवणार! “
*
ऐकून “नवख्या” नवऱ्याचे बोल
मनोमनी फार सुखावले,
नकळत ‘आमचे दिवस‘ आठवून
आठवणीत रमून गेले!
आठवणीत रमून गेले!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
