सुजित शिवाजी कदम
☆ साप्ताहिक स्तंभ – सुजित साहित्य #56 ☆
☆ मला वाटले … ☆
मला वाटले ,भेटशील एकदा नंतर नंतर
कळले नाही,कसले तूझे हे जंतरमंतर…!
येते म्हणाली ,होतीस तेव्हा जाता जाता
किती वाढले,दोघांमधले अंतर अंतर…!
रोज वाचतो,तू दिलेली ती पत्रे बित्रे
भिजून जाते,पत्रांमधले अक्षर अक्षर…!
तूला शोधतो,अजून मी ही जिकडेतिकडे
मला वाटते,मिळेल एखादे उत्तर बित्तर…!
स्वप्नात माझ्या,येतेस एकटी रात्री रात्री
नको वाटते,पहाट कधी ही रात्री नंतर…!
उभा राहिलो,ज्या वाटेवर एकटा एकटा
त्या वाटेचाही,रस्ता झाला नंतर नंतर…!
विसरून जावे,म्हणतो आता सारे सारे
कुठून येते,तूझी आठवण नंतर नंतर…!
मला वाटले,भेटशील एकदा नंतर नंतर
कळले नाही,कसले तूझे हे जंतरमंतर…!
© सुजित शिवाजी कदम
पुणे, महाराष्ट्र
मो.७२७६२८२६२६
सुजितच्या सर्वच कविता फार सुंदर असतात, thought based, theme based असतात