श्री अशोक श्रीपाद भांबुरे
*पान*
(प्रस्तुत है श्री अशोक श्रीपाद भांबुरे जी की एक भावप्रवण कविता।)
भाव होते प्रेम होते टाळले का मी तरी ?
गाव माझ्या अंतरीचे जाळले का मी तरी ?
वाट माझ्या भावनांची मीच होती रोखली
आसवांचे चारमोती गाळले का मी तरी ?
माय-बापाची प्रतिष्ठा थोर तेव्हा वाटली
त्याच खोट्या इभ्रतीला भाळले का मी तरी
प्रेम का नाकारले मी ते कळेना आजही
शब्द साधे एवढे ते पाळले का मी तरी ?
प्रीतिच्या ग्रंथात माझे नाव नव्हते नेमके
पान माझ्या जिंदगीचे चाळले का मी तरी ?
अशोक भांबुरे, धनकवडी, पुणे.
मो. ८१८००४२५०६, ९८२२८८२०२८
खूप सुंदर कविता… संवेदनशील ….