श्री सुहास सोहोनी
चित्रकाव्य
– हेच सगळ्यात मोठं अंतर – AK ( काव्यानंद ) मराठे ☆ श्री सुहास सोहोनी ☆
☆
गरजच नाही सांगायची
आत कोण बसले असतील
शिस्तीत चपला काढणारे
तत्वनिष्ठच फक्त दिसतील ll
*
बैठक असो,पंगत असो
शिस्त त्यांची सुटत नाही
भोंगळपणा,वेंधळेपणा
मुळीच त्यांना पटत नाही ll
*
नियोजनाशिवाय काम
कधीच ते करत नाहीत
किती लालूच दाखवा तरी
वाकडी वाट धरत नाहीत ll
*
दुष्काळ असो,पूर असो
सर्वात पुढे तेच असतात
ऊन,पाऊस,चिखल,वारा
त्यांना कुठे जाच वाटतात ?
*
कितीही संकटं आली तरी
नीतीधैर्य खचत नाही
देशद्रोह वा अपप्रचार
त्यांना मुळीच रुचत नाही ll
*
राष्ट्र सर्वतोपरी जयांना
कुटुंब,नाती सगळं नंतर
त्यांच्यात आणि इतरांच्यात
हेच सगळ्यात मोठं अंतर ll
*
नसानसात राष्ट्रभक्ती
घडतात मुशीत वेगळ्याच
स्वयंसेवक वेगळेच असतात
सामान्यांहून सगळ्याच ll
☆
कवी : AK ( काव्यानंद ) मराठे
कुर्धे,पावस,रत्नागिरी
प्रस्तुती : श्री सुहास सोहोनी रत्नागिरी
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
