श्री प्रमोद वामन वर्तक
चित्रकाव्य
☆ खरे लंबोदर कोण ? ☆ श्री प्रमोद वामन वर्तक ☆
☆
क्रोध तव मुखावर दिसतोय
आम्हां भक्तांना गणराया,
चार पाच तासांचा प्रश्न आहे
तुम्हां सभामंडपी विराजाया !
*
दुखू जरी लागले तुमचे पाय
नाही त्याला काही ईलाज,
नेहमी पावसाळ्यात “रस्ते”
सोडतात स्वतःची “लाज!”
*
बुद्धी वाटतांना सकलजनां
मुद्दामच वगळता “त्यांना, “
फक्त विसरू नका म्हणता,
कधीच “दामाजी पंतांना !”
*
दरवर्षीच्या पावसाळ्यात
करोडो खड्ड्यात जातात,
हिशोब नाही त्यातले किती
“लंबोदरात” गडप होतात !
*
त्रास सोसा आता दरवर्षी
करतो विनंती माफी मागून,
अठ्यात्तर वर्ष झाली तरी
लंबोदर त्यांचे भरे ना अजून !
लंबोदर त्यांचे भरे ना अजून !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुंदर कविता!