Category: चित्रकाव्य

सौ. रेणुका धनंजय मार्डीकर

  चित्रकाव्य  

सीता अशोक सौ.रेणुका धनंजय मार्डीकर ☆

 (भावगीत)

☆

सीता शोक करताना याने नित्य पाहिलेला 

सीता अशोक नावाने अजरामर झालेला ||ध्रु||

*

कामदेवासाठी प्रिय त्याने भात्यात ठेवले

याच्या शांत छायेखाली बुद्ध गौतम जन्मले

आनंदाच्या झाडाने या आनंद सारा दिलेला 

सीता अशोक नावाने अजरामर झालेला ||1|| 

*
फुले केशरी पांढरी गंध सुगंधी देणारी

मधमाशा, किटकांना नित्य कवेत घेणारी 

स्त्रियांसाठी गुणकारी बहुगुण हा ल्यालेला

सीता अशोक नावाने अजरामर झालेला ||2||

*

श्वेत पिवळी नारंगी लाल छटेत फुलतो

रक्तअशोक देखणा पर्णसंभार झुलतो 

रक्तपल्लव देखणा हळदी कुंकू प्यालेला

सीता अशोक नावाने, अजरामर झालेला ||3|| 

*

फुले लाल पिवळीशी अंगभर याचा साज

अशोक वाटीकेमध्ये सीतेसवे नाव आज

कवितेत आज माझ्या नावारुपास आलेला

सीता अशोक नावाने अजरामर झालेला ||4||

*

© सौ.रेणुका धनंजय मार्डीकर

औसा.

मोबा. नं.  ८८५५९१७९१८

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

श्री आशिष  बिवलकर

  चित्रकाव्य  

ज्याचे त्याचे स्थान…  श्री आशिष  बिवलकर ☆

☆

मृदूंग वाजतो मंदिरात,

खेटरं गांजती पायरीशी.

जरी चर्म दोन्ही अंगी,

कर्म ज्याचे त्याच्यापाशी.

*
मृदूंग मिरवती गळ्यात,

पायताणं घासती पायात.

दोष ना तो चामड्याचा,

जडणं घडणं जैसे भाग्यात.

*
मृदंग देई भजनात साथ,

खेटरं सोसती भार लाथ.

योग्यता ठरवी चामड्याची,

घडवणाऱ्याचे दोन हात.

*
मृदूंग दुमदुमतो ताल,

खेटरं करकरतो चाल.

उमटणारा ध्वनी सांगे,

दोघांच्या अंतरीचे हाल.

*
कातडं जरी साम्य दोघांत,

कारागीर गुरु बाणवतो मोल.

जैसा गुरु मिळे भाग्यात,

तैसा साधती जीवनाचा तोल.

*
मृदूंग घडावा वा वाहणा,

ज्याचे त्याचे असते स्थान.

गुरु, कर्म आणि भाग्य देते,

जीवनात यथोचित सन्मान.

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

  चित्रकाव्य  

कोण खरे आहे…  सुश्री नीलांबरी शिर्के ☆

☆

रंग पानांचा लेऊन

झाडावर राही किडा

एकरूप व्हावे कसे !

यातुनच घेऊ धडा

*

रंग पानांचा घेऊन

किडा पान कुरतडे

बाह्यरूप बदलून

स्वार्थ साधती किडे

*

किड पानाला लागते

किड फळ पोखरते

डोळे उघडून पाहू

कोण खरे आपले ते

*

 ज्ञान देतसे निसर्ग

 ज्ञान देतात हे किडे

 योग्य तेच शिकण्या

 डोळे ठेऊ या उघडे

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. गौरी गाडेकर

  चित्रकाव्य  

   चित्र एक… काव्ये दोन : डाव – डॉ. सोनिया कस्तुरे (२) उल्लंघल्या सीमारेखा – डॉ. स्वाती नाईक ☆ प्रस्तुती – सौ गौरी गाडेकर ☆

( १ )

डॉ. सोनिया कस्तुरे

☆ डाव ☆ डॉ. सोनिया कस्तुरे ☆

☆

डाव जाणिवांचा एकदा 

निर्भीडपणे खेळून तर बघ 

रणरणत्या उन्हात सुद्धा 

एकदा फुलून तर बघ 

*

अडथळे तुझ्या वाट्याची 

कमी नाहीत कधीच 

लोकभान विसरून 

आत्मभान जगून तर बघ 

*

अन्याय अत्याचारी हात 

जोडले जातील तुझ्यापुढे

तुझ्या अंतरिक शांततेला 

क्रांतीच रूप देऊन तर बघ

*

तुला हीन-दीन अबला मानणारे 

कोसळतील एक दिवस

मनातल्या रणांगणात 

एकदा झुंजून तर बघ..

☆

© डॉ. सोनिया कस्तुरे 

9326818354

☆☆☆☆☆

( २ )

☆ उल्लंघल्या सीमारेखा ☆ डॉ. स्वाती नाईक ☆

☆

पोळपाटाची बॅट झाली 

लाटण्याचं हॅन्डल

कणकेच्या गोळ्याचा बॉल 

चुलीतल्या ठिणग्या 

डोळ्यातुन तडतडल्या 

आज आमच्या मुली 

वर्ल्ड चॅम्पियन झाल्या.

*

रांधा, वाढा. उष्टी काढा 

समीकरणच बदललं 

जेंव्हा आमच्या पोरींनी

साऊथ आफ्रिकेला धुनकलं.

*

पोरींनी आज मैदानात

इतिहासच रचला

पुरुषी अभिमानाचा

पार चकणाचूर केला.

*

मुली मुलांच्या बरोबरीच्या

फक्त हे नाही सिद्ध केलं

जगात त्यांचं स्थानच वेगळंय

हे दाखवून दिलं.

*

स्त्री शक्ती काय असते

सगळ्यांना दिसलं

ती महिषासुरमर्दिनी आहे

अख्ख्या जगालाच पटलं.

*

चुलीतली लाकडं 

चुलीतच विझली

विश्वकपाच्या झगमगीत

सगळी दुनिया दीपली.

*

सगळे गड सर झाले

सगळ्या सीमारेखा उल्लंघल्या

आता आमच्या पोरी

खऱ्या अर्थाने स्वतंत्र झाल्या.

☆

© डॉ. स्वाती नाईक

अहमदाबाद

प्रस्तुती – सौ. गौरी गाडेकर

संपर्क – 1/602, कैरव, जी. ई. लिंक्स, राम मंदिर रोड, गोरेगाव (पश्चिम), मुंबई 400104.

फोन नं. 9820206306

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. रेणुका धनंजय मार्डीकर

  चित्रकाव्य  

कामलता ही कामिनी भासे सौ.रेणुका धनंजय मार्डीकर ☆

(वृत्त: पादाकुलक)

☆

रुपडे सुंदर कांती कोमल

मनास माझ्या ओढ लावते

पहा उतरले धरणीवरती

तारांगण हे मला भावते

* 

कुंजलता ही बहरत आली 

इकडे तिकडे वळणे घाली

कोवळ कांती सुमंगलाही 

कुमकुम टिकली अंगी ल्याली

*

कामलता ही कामिनी भासे

मोहक सुंदर किती देखणी

लटका बांधा अन् शेलाटी

ललना भासे लावण्यखणी 

*

कामिनी कुणी म्हणे तरुलता 

जयंती फूल अत्तर दाता

गजाननाच्या किरिटी साजे

झिरमिर झिरमिर पल्लव पाता

*

हरित पिसारा त्यात जणू ही

लाल चांदणी उमलत येते

गणेशवेली प्रिय साऱ्यांची 

मनास माझ्या मोदच देते 

*

भिरभिर भिरभिर शब्द फिरावे

कविता सुमने त्यात फुलावी

लाल तारका काशीरत्नम्

हिंदोळ्यावर गोड झुलावी

*

© सौ.रेणुका धनंजय मार्डीकर

औसा.

मोबा. नं.  ८८५५९१७९१८

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

श्री आशिष  बिवलकर

  चित्रकाव्य  

मी पुन्हा येईन????  श्री आशिष  बिवलकर ☆

☆

पावसाचे पाणी पिऊन पिऊन,

चातक पक्षी पाणीच ओकला आहे |

आंब्याच्या वनात नाचून नाचून,

मोर पक्षी आता पुरता थकला आहे |

*

“रिमझिम गिरे सावन”,

गाणारी युगलं पूर्ण भिजली आहेत |

सर्दीने हैराण होऊन,

शेंबुडात नाकं आता थिजली आहेत |

*

खमंग कांदा भजीचा,

घमघमाट कधीच थांबला आहे |

घरोघरी भांडणाचा,

थयथयाट गंभीर मामला आहे |

*

“येरे येरे पावसा, तुला देतो पैसा”,

या गाण्यावर शाळेत बंदी आहे |

भोलानाथाच्या साचल्या तळ्यात,

मासे पकडायला शाळेत संधी आहे |

*

छत्री दुकानदार,

स्वतः मालामाल झाले आहेत |

ए सी व्यावसायिक,

झाले कंगाल, खाण्याचे लाले आहेत |

*

लबाड ऋतूचक्राने,

पावसाला एक्स्टेंशन दिले आहे |

बिचाऱ्या हिवाळ्याचे,

संधी अभावी टेन्शन वाढले आहे |

*

मी पुन्हा येईन, पुन्हा येईन,

पाऊस गर्जून सांगत आहे |

हवामान बदलाचे धोके,

मात्र आवर्जून उमगत आहे |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

  चित्रकाव्य  

बंधन असेही…  सुश्री नीलांबरी शिर्के ☆

☆

रोप फुलाचे 

जेंव्हा लावले

चालीरितीचे

बंधन आले!

*

फुल लागता

भ्रमर येतील

भिंतीचे बंधन

उभे राहीले!

*

बंधनात ते

वाढू लागता

कळ्था फुलांचे

घोस जन्मले!

*

त्याच क्षणाला

हिरव्या तरूला

तरूपणाचे 

वरदान लाभले!

*
तारुण्यसुलभ

भावनाच ती

ओलांडती मग

बंधन आपुले!

*

बंधन भिंतीवर

घोस फुलांचे

बंधनासही

सजवीत गेले!

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री अमोल अनंत केळकर

  चित्रकाव्य  

ही वाट ‘वाट’ लावे… श्री अमोल अनंत केळकर ☆

(दिवाळी सुट्टी संपवून सुट्टीच्या शेवटच्या रविवारी आपल्या गावाकडून, कामाच्या ठिकाणच्या गावाकडे येतानाचा अनुभव …… गाव सोडून जायची हुरहुर आता मागे पडून,  ट्रॅफिक जाम ची भीती ही सध्या वरचढ ठरतीय)

(शांता शेळके यांची माफी 🙏मागून )

*

ही वाट ‘वाट’ लावे, पुण्याबाहेरच्या गावा

माझ्या मनातला का, तेथे रस्ता नसावा?

ही वाट ‘वाट’ लावे,

**
जिथे तिथे घुसाया, वाहन आसुलेले

नाक्यावरती टोलच्या, मडगाड ठोकलेले.

इथे मोठ्या खड्ड्यांनी, टायर फुस्स व्हावा

*

माझ्या मनातला का, तेथे रस्ता नसावा?

ही वाट ‘वाट’ लावे,

**

घे वाहन कडेला, थांबून ढाब्यापाशी

लागून भूक भारी मग खा वडा पावाशी

एकदाच  ‘जी – पे’  चा, पासवर्ड विसरावा

*

माझ्या मनातला का, तेथे रस्ता नसावा?

ही वाट ‘वाट’ लावे,

**

स्वप्नामधील गावा, पुण्यातून न जावे

स्वप्नामधील रस्त्याला, स्पिड ब्रेक न यावे

स्वप्नातल्या सुखाचा ,’टुकार’ वेध घ्यावा

*
माझ्या मनातला का, तेथे रस्ता नसावा?

ही वाट ‘वाट’ लावे,

**

© श्री अमोल केळकर

बेलापूर, नवी मुंबई, मो ९८१९८३०७७९

poetrymazi.blogspot.in, kelkaramol.blogspot.com, a.kelkar9@gmail.com

श्री आशिष  बिवलकर

  चित्रकाव्य  

वणवण बळीराजाची… श्री आशिष  बिवलकर ☆

☆

बरसू लागलेत काळे ढग,

बरसू लागलेत डोळ्यातून अश्रू |

जणू दोघांत लागलीय स्पर्धा,

बळीराजा म्हणे कुठं दुःख विसरू |

*

उभी पीकं झोपली शेतात,

दाण्यादाण्याला फुटला अंकुर |

फुटलं नशीबच सारं आता,

निसर्गा एवढा कसा झालास क्रूर |

*

हताश झालाय रे बळीराजा,

अस्मानी सुलताना आता घे आवर |

पीक नाही आलं हाताशी,

भकास झालाय शेतीतला वावर | 

*

ऐन सणावाराला ऐन दिवाळीत,

बळीराजाचं तोंड झालंय कडू |

हुंदक्यात जगण्याची भैरवी गातो,

शेतकऱ्यांना कोसळू लागलंय रडू |

*

फाटकच लुगडं कारभारणीला,

फाटकीच लाज झाकाया लंगोटी |

लेकरंबाळं उघडी फिरती गावात,

पिकाविना शेतीच झाली वांझोटी |

*

मायबाप सरकार झालं बहिरं,

बळीराजाचा आक्रोश ऐकूच येईना |

बळीराजाची जगायची वणवण,

दाही दिशा काही केल्या संपेना |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

  चित्रकाव्य  

वाढलेला मुक्काम – चित्र एक.. काव्ये दोन श्री प्रमोद वामन वर्तक आणि सुश्री नीलांबरी शिर्के ☆

☆

श्री प्रमोद वामन वर्तक

(१ )

फराळ खाऊन झाला 

तरी नाव घेत नाहीस जायचं,

बारा महिने तुझ्यासवे 

सांग कसं बरं जगायचं ?

*
रोजच सांजवेळी भिजवण

आम्हाला नाही आवडायचं,

तुझ्या संगतीत किती दिवस 

आम्ही आजारी पडायचं ?

*

मान्य आहे आमच्यामुळेच 

सारं ऋतुचक्र बदललंय,

पण आता तरी खरं सांग 

मुक्काम हलवायचं कधी ठरलंय ?

*

कवी : श्री प्रमोद वामन वर्तक

मानपाडा, ठाणे पश्चिम ४००६१०, मोबाईल – ९८९२५६१०८६

☆

सुश्री नीलांबरी शिर्के

(२)

आवडतो तु म्हटले होते

चुकले का रे !

*
सगळ्या ॠतूतच तुझे येणे

नको नको रे !

*

उन्हाळा हिवाळा ॠतूही

आहेत गरजेचे रे !

त्यांच्यावरती कुरघोडी तव

नको नको रे !

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈