Category: चित्रकाव्य

श्री आशिष  बिवलकर

  चित्रकाव्य  

युगंधर!  श्री आशिष  बिवलकर ☆

☆

कारागृही जन्म | विष्णू अवतार |

जगाचा उद्धार | कृष्ण कृष्ण ||१||

*

देवकीनंदन | गोकुळी वाढला |

लिलांत रमला | बालपणी ||२||

*

पुतना संहार | कालियामर्दन |

ऋषी सांदीपन | गुरुथोर ||३||

*

सुदर्शन चक्र | युद्धात निशस्त्र |

रक्षे धर्मशास्त्र | युगंधर ||४||

*

गीतेतून ज्ञान | बोध पुरुषार्थ |

रणांगणी पार्थ | शस्त्रसिद्ध ||५||

*

षोडश सहस्त्र | कन्यांचे रक्षण |

नीती सुलक्षण | नारायण ||६||

*

अवतार कार्य | जीवन नश्वर |

लागताच शर | मोक्षत्वासी ||७||

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

नीलांबरी शिर्के

श्री प्रमोद वामन वर्तक  

  चित्रकाव्य  

धोंडे आणि दगड   श्री प्रमोद वामन वर्तक ☆

☆

७) चित्रकाव्य —

 “ धोंडे आणि दगड.. “ कवी : प्रमोद वर्तक 

चित्रकाव्य : “  “.

दशम ग्रहाच्या शांतीसाठी 

चप्पल बनवली चांदीची 

ऐशीतैशी त्या महागाईची 

लाज राखली कोल्हापूरची

आठ दिवसात मेहनतीने 

केला विक्रांतने नवा विक्रम 

चपलेसाठी साडेचार लाख 

ही तर केवळ मामुली रक्कम

धोंड्या मासाचे खरे महत्व 

बाकी दगडांना काय कळणार

तेहतीस अनारसे देऊन 

जावयाची बोळवण करणार

जावयाची बोळवण करणार

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – pradnyavartak3@gmail.com

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

ज्योत्स्ना तानवडे

  चित्रकाव्य  

– शब्देविण संवादू – ☆ ज्योत्स्ना तानवडे ☆

☆

बाळ बोलते आईसंगे 

कसे मूक संवादातुनी 

भाव समजती आईचे 

गोड बोलक्या डोळ्यातुनी 

*

स्पर्श बोलती दोघांचेही 

एकमेका आनंद होई 

जवळीक आईची अशी 

बाळाला आश्वासून जाई 

*

सुखावते बाळ ऐकुनी 

लाडिकसे बोल आईचे 

हुंकार देऊनी तिजला 

प्रतिसाद गोड बाळाचे 

*

माय लेकरांचे हे नाते 

शब्दाविना रंगून जाते 

काळवेळाचे भान कसे 

दोघांनाही आता नुरते ||

☆

©  ज्योत्स्ना तानवडे

वारजे, पुणे.५८

≈ संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

खंबीर लढायाला  श्री आशिष  बिवलकर ☆

☆

साजूक तुपात | घोळले मराठी |

बापटांच्या ओठी | भाषा तैसी ||१||

*

ध्वनी प्रदूषण | समस्या गंभीर |

बापट खंबीर | लढायाला ||२||

*

सवंग प्रसिद्धी | नसे त्यास लोभ |

डीजेप्रती क्षोभ | प्रकर्षाने ||३||

*

सण उत्सवात | आली मक्तेदारी |

हैराण बिचारी | जनताच ||४||

*

संस्कृतीच्या आड | वाढे झुंडशाही |

समर्थन नाही | विवेकाने ||५||

*

एकला चलो रे | धमक्याचं जमा |

नसे त्यास तमा | विरोधाची ||६||

*

सामान्य माणूस | उठवी आवाज |

उतरतो माज | बलाढ्यांचा ||७||

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री प्रमोद वामन वर्तक  

  चित्रकाव्य  

रिती आस   श्री प्रमोद वामन वर्तक ☆

☆

काळे करुनी अंबर 

आस जिवा लावीशी 

तुज टोलवता समीराने 

तोंड तुझे काळे करशी

*

तळ गाठला धरणांनी 

भेगाळली सारी अवनी 

वाट पाहुनी कासकराच्या 

आले बघ नयनी पाणी 

*

आहे वाहन यंदा गर्दभ 

झाड दुगाण्या लवकर 

शांत करुनी धारित्रीला 

भरून काढ सारी कसर

*

नटव लवकर हिरवाईने 

उघड्या बोडक्या सृष्टीला

तृप्त होता सारे चराचर 

देईल आशीर्वाद तुजला

देईल आशीर्वाद तुजला

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – pradnyavartak3@gmail.com

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री राहूल लाळे

  चित्रकाव्य  

– संध्यारंग… –  ☆ श्री राहूल लाळे ☆

☆

संध्याकाळच्या आभाळात

केशरी रंग भरला,

अन्

दिवसभराचा प्रवास संपवून

सूर्य क्षितिजाकडे वळला…

 

ढगांच्या कुशीत विसावताना

क्षणभर थांबला तो,

जणू निरोप देताना म्हणाला—

“उद्याही भेटेन पुन्हा! ”

 

रस्त्यावरची धावपळ सुरूच,

वाहनांची गर्दी तशीच,

पण त्या गोंगाटातही

निसर्गाची कमाल दिसली…

 

एक क्षण टिपला कॅमेऱ्याने,

एक क्षण मनात साठला,

मावळता सूर्य सांगून गेला—

“अंत नाही हा…हा तर नव्या पहाटेचा वायदा! ”

☆

© श्री राहुल लाळे

पुणे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

 

श्री आशिष  बिवलकर

  चित्रकाव्य  

रडू आवरेना  श्री आशिष  बिवलकर ☆

☆

साखर महाग | तोंड झाले कडू |

सामान्यांना रडू | आवरेना ||१||

*

साखर सम्राट | झाले मालामाल |

जनता कंगाल | सद्यस्थिती ||२||

*

कृतिम टंचाई | साठेबाजी धंदा |

महागाई फंदा | गळ्यामध्ये ||३||

*

इथेनॉलसाठी | गाळपला ऊस |

सामान्यांची कूस | मोडूनिया ||४||

*

उसाला लागला | इथेनॉल कोल्हा |

खिशावर डल्ला | सामान्यांच्या ||५||

*

सहकार क्षेत्र | संपूर्ण उध्वस्त |

कारखाने फस्त | स्वार्थासाठी ||६||

*

सामान्यांच्या माथी | रोज नवा धोंडा |

अच्छेदिन गंडा | घालोनिया ||७||

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री प्रमोद वामन वर्तक  

  चित्रकाव्य  

अंतिम इच्छा   श्री प्रमोद वामन वर्तक ☆

☆

रोज येऊनी दारवठ्याला

वाट तुझी बघत बसते,

आज उद्या नक्की येशील

समजूत मनाची घालते!

*

 भूल तुला कशी पडली

 दूरच्या स्वप्न-नगरीची,

 सोडून सारी शेती वाडी

 वाट धरलीस त्या देशीची!

*

थकली सारी गात्रं आता

आला दिवस ढकलते,

नाही सोडली वेडी आशा

भरवसा उद्यावर ठेवते!

*

 डोळे माझे मिटण्या आधी

 तुला एकदाच पाहायचंय,

 डोकं ठेवून तुझ्या मांडीवर

 शांतपणे मला जायचंय!

 शांतपणे मला जायचंय!

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – pradnyavartak3@gmail.com

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री अनिल वामोरकर

  चित्रकाव्य  

व्योमकेशीणी… ☆ श्री अनिल वामोरकर ☆

☆

वाढता वाढता

परिघ वाढला,

जाहला ब्रह्मांडाएवढा

तूझिया अस्तित्वाचा…

 

सारे मानव

झाले तूझीच

तूही झालीस

तयांचीच…

 

ज्ञानसूर्य होवोनी

पसरलीस किरणे बनूनी

सदगुरु ॐ आई 

विश्वाचिच झाली…

 

एकदेशी न उरली

व्यापिले व्योमकेश,

ग्रहनक्षत्रे, देवही

तव भवती रास करिती…

 

सकल आत्म्यांची

तू आत्मा झालीस,

प्रत्येकाच्या हृदयी तू

तूझिया हृदयी 

ब्रह्मांड वसे…

 

एकरुप झाली

स्व रुप नुरले

पूर्णत्वाची प्रतिमा तू

द्वैत अद्वैतात विरून गेले…

☆

© श्री अनिल वामोरकर

अमरावती

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈