कविराज विजय यशवंत सातपुते
कवितेचा उत्सव # २९२ – विजय साहित्य
☆ पुस्तक वारी…! ☆
द्विपदी – वंशमणि : २० मात्रा [८+८+४] [ | प | प | – + |]
☆
पुस्तक आहे, आयुष्याची, वारी
वाचत जाता, ठरते संकट हारी.
*
गुरू जनांचा, जया लाभला वारा
शब्द शारदा, करात देई थारा.
*
वाच एकदा, पान बोलके, त्याचे
वाचे बरवे, कवित्व हृदयी, साचे
*
पुस्तक नाही, भातुकलीची जागा
जिथे अक्षरे, करती उगाच त्रागा.
*
मित्र असावा, पुस्तक वेडा, प्राणी
खिशात त्याच्या, साहित्याच्या खाणी.
*
सांगत जाई, धोके पुढचे, जेव्हा
ज्ञान शलाका, देई दर्शन तेव्हा
*
मम माऊली, ज्ञान संपदा, छाया
गुरु प्रमाणे, तिची लाभते माया.
*
तीन खणाची, पुस्तक वारी, मोठी
बाल प्रौढ नी, जराच वसने छोटी
*
शब्द शारदा, जिच्या रुपाने, खुलते
हरी पाठ वा, ग्रंथ कोंदणी, फुलते.
*
जीवन पानी, वाट यशाची, धरते
तीच सावली, अक्षय माया, करते.
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
