श्री तुकाराम दादा पाटील
काव्यानंद
☆ तुका म्हणे… जन मानवले वरी – अभंग रचना ☆ रसग्रहण – प्रा तुकाराम दादा पाटील ☆
☆ तुका म्हणे ☆
जन मानवले वरी बाह्यात्कारी /
तैसा मी अंतरी नाही झालो //१//
*
म्हणऊनि पंढरीनाथा वाटतसे चिंता /
प्रगट बोलता लाज वाटे //२//
*
संत ब्रम्हरूप जाले अवघे जन /
ते माझे अवगुण न देखती//३//
*
तुका म्हणे मी तो आपणासी ठावा /
आहे बरा देवा जैसा तैसा //४//
– संत तुकाराम.
*
लोक मला जितका खरा मानतात
तितका मी अंतःकरणातून खरा नाही. त्या मुळे मलाच माझी काळजी वाटते. आणि तसे उघडपणे बोलायची लाजही वाटते. संत मंडळींना सगळेजणच परमेश्वरा सारखे दिसतात. ते माझ्या आत असलेल्या वाईट गोष्टी पहात नाहीत. पण परमेश्वराला मी आतून कसा आहे आणि बाहेरून कसा आहे हे नक्कीच माहीत आहे. तोच हे सर्व काही जाणतो.
संत मंडळी सर्वाना परमेश्वर स्वरूप मानतात. ते आपल्यातल्या चांगल्या गोष्टी पहातात. वाईट गोष्टी कडे दुर्लक्ष करतात. पण आपले आपनच प्रमाणीक न्यायाधीश झालो तर आपण कसे आहोत हे आपल्याला कळून येते. पण आपण आपल्याला जाणून घेणे सोपे काम नाही.
तुका म्हणे
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
