मराठी साहित्य – मराठी कविता ☆ कवितेच्या प्रदेशात # ३०१ ☆ मी आणि माझं अंतर्मन… ☆ सुश्री प्रभा सोनवणे ☆

सुश्री प्रभा सोनवणे

कवितेच्या प्रदेशात # ३०१

☆ मी आणि माझं अंतर्मन… ☆ सुश्री प्रभा सोनवणे ☆

☆

आयुष्य असतं एक उपवन,

जेव्हा करतो आपण,

 स्वतःचं अवलोकन,

 तेव्हा जाणवतं ,

स्वतःमधलं कमीपण!!

करावा व्यक्त होण्यासाठी

कुणाला फोन  —

सारेच जण अनभिज्ञ,

तुमच्या सुख दुःखाशी,

कुणालाच नसतं  घ्यायचं ऐकून,

फक्त ऐकवायचंच असतं !

 खूप एकटं वाटतं आपल्याला,

पण नसतं कुठेच—

सहसंवेदन !!!

 मग वाटायला लागतं,

आपलंच अंतर्मन,

एक स्वच्छ, बिलोरी दर्पण!

याहून काय वेगळं असतं,

जगण्यातलं जीवंतपण

☆

© प्रभा सोनवणे

संपर्क – “सोनवणे हाऊस”, ३४८ सोमवार

पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- sonawane.prabha@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈