☆ कवितेचा उत्सव ☆ भावसंभ्रम ☆ श्रीशैल चौगुले ☆
पाण्यात छटा कुणाच्या
लयींचे कि रेत खुणांचे ?
डोळ्यात रंग कुणाचे
तैलचित्र कि माझ्या मनाचे !
हृदयात भाव भक्तिचे
कृष्ण कि जन्म आसक्तीचे ?
ओठांवर नाव सखयाचे
राधीका कि मिरा प्रीतीचे !
गाण्यात स्वर शब्दांचे
कोकिळ कि धून बासरीचे ?
आसवात मधूर मूग्धाली
दुःख कि विरह आनंदाचे.
© श्रीशैल चौगुले
९६७३०१२०९०
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
