मराठी साहित्य – कवितेचा उत्सव ☆ विजय साहित्य # २८० – विदेशी मेवा…! ☆ कविराज विजय यशवंत सातपुते ☆

कविराज विजय यशवंत सातपुते

कवितेचा उत्सव # २८० – विजय साहित्य

☆ विदेशी मेवा…! ☆

☆

आरोग्य दायी, फळ किवीचे

पहा खाऊनी, विदेशी मेवा

आंबट गोडी, स्वाद अनोखा

व्हिटॅमिनचा, पौष्टिक ठेवा..!

*

जाड सालीचे, तपकिरी‌ हे

पेशी पांढऱ्या, वाढविणारे

शक्ती वाढवी, पचन सुधारी

बद्ध कोष्ठता, घालवणारे…!

*

रक्त वाहिन्या, होती सक्षम

भिती घालवी, मधुमेहाची,

त्वचा निरोगी, किवी ठेवते

कमी कॅलरी, किवी फळाची..!

*

झोप चांगली, लागे सकला

फोड किवीची, पहा खाऊनी

हाडास देई, हे मजबूती

स्वाद किवीचा, पहा चाखूनी..!

*

चिनी देशाची, ही गूजबेरी

चिक्कू सारखे, जरी वाटले

काप करूनी, किंवा सोलून

फळ किवीचे, मनी दाटले…!

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.