सूचना/Information
(साहित्यिक एवं सांस्कृतिक समाचार)
सौ. मंजुषा सुधीर आफळे
🌹 अभिनंदन 🌹
तितिक्षा भावार्थ सेवांतर्गत श्रीराम नवमी निमित्त आयोजित काव्य लेखन स्पर्धेत आपल्या समुहातील ज्येष्ठ साहित्यिका सौ. मंजुषा सुधीर आफळे यांच्या काव्य रचनेस सर्वोत्कृष्ट प्रथम पुरस्कार प्राप्त झाला आहे.
ई अभिव्यक्ती परिवारातर्फे त्यांचे मनःपूर्वक हार्दिक अभिनंदन आणि शुभेच्छा 💐💐
त्यांची पुरस्कार प्राप्त काव्य “श्रीराम गाथा” आज प्रकाशित करत आहोत.
संपादक मंडळ
ई अभिव्यक्ती मराठी
📚🌹📚🌹📚🌹📚🌹📚
कवितेचा उत्सव
☆ श्रीराम गाथा… ☆ 
सौ. मंजुषा सुधीर आफळे ☆
(पुरस्कार प्राप्त काव्य)
☆
श्रीराम गाथा महान
आदर्श जीवन तत्व
आचरावे जीवनात
साधावया ते ममत्व.
*
शब्द शब्द जो सुखाचा
सारासार तो विचार
शिकवण मानवास
हलका करेल भार.
*
राम नाम सत्य थोर
कल्याण ते साधताना
एकनिष्ठ, सत्यवचनी
कठोर, न्याय देताना.
*
अती नम्र, मृदू वाणी
कोमल हृदयी गोडवा
ग्रंथ, थोर रामायण
कथा मनात ठसवा.
*
राम गाथा जप तप
सतत नामस्मरणी
चिंता संपेल मानवा
बोलती मारूती स्वामी.
☆
© सौ.मंजुषा सुधीर आफळे
सांगली.
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
