कविराज विजय यशवंत सातपुते
कवितेचा उत्सव # ३०९ – विजय साहित्य
☆ प्रेरक गाथा…! ☆ कविराज विजय यशवंत सातपुते ☆
(दशाक्षरी)
☆
वात्सल्यांकीत, रूप दुर्गेचे
स्कंदमातेला, नमन करू
मनी मानसी, पद्मासनीला,
नामस्मरणी, हृदयी धरू ..!
*
शिवपुत्र जो,कार्तिकेय तो
पराक्रमी नी, केले सक्षम
युद्ध कलेची, दिधली शक्ती
उभी राहिली,पाठी भक्कम..!
*
तारकासुरा, केले शासन
मरूगणासी,सुसज्ज केले
संकट हारी, संरक्षक ही
स्कंद मातेने, स्फूरण दिले .
*
स्कंद मातेची, करता पूजा
बालकापरी,करते माया
भक्ती शक्तीची, देत शिदोरी
सदैव देते, जीवन छाया..!
*
माय कृपाळू, सिंह वाहिनी
शक्ती पीठ हे, सामर्थ्य दायी
चराचराची, माय माऊली
भक्त रक्षणा, धावत जाई
*
परम शांती, वात्सल्य माया
नवदुर्गा ही, प्रेरक गाथा
नसे वंचना,नुरे वल्गना
घेता दर्शन, झुकतो माथा.
☆
© कविराज शब्दसम्राट विजय
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
