सौ. अस्मिता इनामदार
☆ कवितेचा उत्सव ☆ लावणी ☆ सौ.अस्मिता इनामदार ☆
जरतारीच्या साडीचा हा पदर हाती धरा
जिवलगा मला संगतीनं घेऊन फिरा ||
नवी नव्हाळी अंगी ल्याली
काया माझी मुसमुसलेली
जीव कसाहा आसुसला हो
नाही मनाला थारा..
जिवलगा मला संगतीनं घेऊन फिरा….
पिरतीची ही रीतच न्यारी
विरहाची ती सुरी दुधारी
जीव ओढतो तुम्हासाठी हो
लवकर या ना घरा…
जिवलगा मला संगतीनं घेऊन फिरा…
तुम्हासाठी मी सजले धजले
वाट पाहूनी डोळे थकले
किती दिसांनी तुम्ही आला हो
जाऊ नका माघारा…
जिवलगा मला संगतीनं घेऊन फिरा….
© सौ अस्मिता इनामदार
पत्ता – युनिटी हाईटस, फ्लॅट नं १०२, हळदभवन जवळ, वखारभाग, सांगली – ४१६ ४१६
मोबा. – 9764773842
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
